ၸဝ်ႈၵဝ်ႇသၢင်ႈၼႃႈ Blog Site ၶိုၼ်ႈမႃးမႂ်ႇဢၼ်ၼိုင်ႈ ယဝ်ႉသေတႃႉ ၵူၺ်းၵႃႈ ၼင်ႇႁိုဝ်ႁၢင်ႈၾၢင်ၼႃႈတႃ Blog ႁဝ်းပေႃးတေႁၢင်ႈလီ ထုၵ်ႇၸႂ်ပဵင်းပေႃး တူဝ်ၵဝ်ႇလႄႈ မီးလွင်ႈၸၼ်ၸႂ် ၵူၼ်းတၢင်ႇၵေႃႉ မိူၼ်ၼင်ႇ သၢဝ်ႁၢင်ႈလီဢွၼ်ႇ မီးမႆႇၼႃႈၵေႃႉၼိုင်ႈၼၼ်ႉ ႁူႉၵႃႈၸဝ်ႈၵဝ်ႇ တေလႆႈမႄးယွမ်ႉမုၼ်တႃးၽွင် ႁၢင်ႈၶိူင်ႈပၼ်ၼႃႈ Blog ႁဝ်းထႅင်ႈယူႇယဝ်ႉ။
ဝူင်ႈဝၢင်ႈၼႆႉ ၼႃႈၵၢၼ်ၶႃႈႁဝ်း ဢမ်ႇပေႃးမီးလွင်ႈတူဝ်တၼ်း ၵႃႈႁိုဝ်လႄႈ လႆႈၵိုတ်းယင်ႉ ၵၢၼ်တႅမ်ႈလိၵ်ႈၵႂႃႇ လၢႆလၢႆဝၼ်း ယွၼ်ႉၼၼ် ဢွၼ်တၢင်းသုတ်းတႄႉ ၶႃႈႁဝ်းၶႂ်ႈယွမ်းၼွမ်း ယႂ်ႇၼမ်သေ တႄႇၼႄၵႂႃႇၵမ်းသိုဝ်ႈ၊ ၼိုင်ႈၼႆႉဢဝ်ၸိုဝ်ႈလႄႈမၢႆလပ်ႉ G-mail ဢၼ်ႁဵတ်းၵိုၵ်းၵၼ်တင်း Blog Site ၸဝ်ႈၵဝ်ႇၼၼ်ႉသေ Sign In တီႈလိင်ႉၶ် https://www.blogger.com ၼႆႉယဝ်ႉ သိုပ်ႇၶဝ်ႈ Account ၸဝ်ႈၵဝ်ႇ ၵႂႃႇၶႃႈတႃႉ။
တွၼ်ႈ-Template
ၵမ်းၼႆႉ ႁဝ်းၸွမ်းၵၼ်မႃးမႄး တီႈ Template ဢွၼ်တၢင်းၶႃႈ၊ 1)ၶဝ်ႈၵႂႃႇတီႈ Customize 2)လိူၵ်ႈၾၢင်ႁၢင်ႈၼႃႈတႃ ဢၼ်ၵျဵၵ်ႉၸႂ် တီႈ Templates ၊ 3)တီႈ Background ၼႆႉ ပဵၼ်ၶႅပ်းႁၢင်ႈပိုၼ်ႉလင် ၼႃႈ Site ႁဝ်း၊ သင်ၶႂ်ႈသႂ်ႇၶႅပ်းႁၢင်ႈ ၸဝ်ႈၵဝ်ႇၵေႃႈ သိုပ်ႇၶဝ်ႈၵႂႃႇတီႈ Remove image » Upload image » Chossee File သေ လိူၵ်ႈႁႃၶႅပ်းႁၢင်ႈႁဝ်း ဢၼ်မီးၼႂ်းၶွမ်းယဝ်ႉ ၼဵၵ်းပၼ် Open သေ သိုပ်ႇ Done ပၼ်ၶႃႈတႃႉ။
4)တီႈ Adjust Widths ၼႆႉ ၶႂၢၵ်ႈၵႂၢင်ႈ ႁိပ်ႇၵႅပ်ႈပၼ်ၼႃႈ Blog လႆႈၼင်ႇၸႂ်၊ Entire blog ၼႆႉ ပဵၼ်တႃႇတူဝ်ၼႃႈ Blog တင်းမူတ်း၊ Left/Right sidebar ၼႆႉ ၵႂၢင်ႈၵႅပ်ႈပၼ် Sidebar ၽၢႆႇသၢႆႉၽၢႆႇၶႂႃလႆႈ၊ 5)တီႈ Layout ၼႆႉၽႅၼ်ၸတ်းပၼ် တူဝ်လႄႈတိၼ် Blog ႁဝ်း ႁႂ်ႈႁၢင်ႈလီ၊ 6)Advanced ၼႆႉသမ်ႉ မႄးပၼ် ၽွၼ်ႉတူဝ်လိၵ်ႈႁၢင်ႈလီ၊ သီတူဝ်လိၵ်ႈ၊ သီၶွၵ်ႇပိူင် ၸိူဝ်းၼႆႉယူႇ၊ ပေႃးမႄးႁၢင်ႈၶိူင်ႈပၼ် ၼႂ်းတွၼ်ႈ Template ၼႆႉ ၶႅမ်ႉလႅပ်ႈယဝ်ႉၸိုင် တူၵ်းလူင်းပၼ်တီႈ Apply to Blog ဢၼ်မီးၸဵင်ႇၼိူဝ် ၽၢႆႇသၢႆႉၼၼ်ႉၶႃႈတႃႉ။
သင်ၶႂ်ႈတူၺ်း ၼႃႈ Blog Site ဢၼ်မႄးဝႆႉယဝ်ႉၼၼ်ႉ ၵႂႃႇတီႈ View Blog ၊ သင်ၶႂ်ႈထွႆလင်မႄးႁၢင်ႈၶိူင်ႈ ထႅင်ႈတၢင်ႇလွင်ႈသမ်ႉ ၵႂႃႇတီႈ «Back to Blogger ။
ပေႃးႁၢင်ႈၶိူင်ႈတီႈတွၼ်ႈ Template ၶႅမ်ႉလႅပ်ႈလီငၢမ်းယဝ်ႉ ႁဝ်းၵႂႃႇႁၢင်ႈၶိူင်ႈထႅင်ႈ တီႈတွၼ်ႈ Layout ၊
တွၼ်ႈ-Layout
ၶဝ်ႈ Layout သေ 1)တီႈ Favicon ၼႆႉ ပဵၼ်တႃႇသႂ်ႇၶႅပ်းႁၢင်ႈ ဢၢႆႇၶွၼ်ႇလဵၵ်ႉလဵၵ်ႉဢွၼ်ႇ၊ (ယွၼ်ႉဢဝ်ၶႅပ်းႁၢင်ႈ ယူဝ်းယူဝ်းသႂ်ႇ ဢမ်ႇႁၢင်ႈလီလႄႈ တေလႆႈၶဝ်ႈၵႂႃႇမႄးၶႅပ်းႁၢင်ႈ ၼႂ်း Photoshop ဢမ်ႇၼၼ် ၼႂ်းၼႆႉ http://www.favicon-generator.org သိုပ်ႇၶဝ်ႈတီႈ Choose File သေ လိူၵ်ႈႁႃၶႅပ်းႁၢင်ႈႁဝ်း ပေႃးယဝ်ႉ Create Favicon ပၼ်သေယဝ်ႉ ၸၼ်ဢဝ် ဢၢႆႇၶွၼ်ႇလႆႈတီႈ Download the generated favicon သေ ၵီႈပၼ်ၾၢႆႇမၼ်း၊ မၢႆတွင်း Size ၶႅပ်းႁၢင်ႈ တေဢမ်ႇလႆႈၼၵ်းပူၼ်ႉ 100KB) သင်တေလၢႆႈဢၢႆႇၶွၼ်ႇ ၶဝ်ႈၵႂႃႇတီႈ Edit» Choose File သေ လိူၵ်ႈႁႃ ဢၢႆႇၶွၼ်ႇ ဢၼ်ၵီႈဝႆႉယဝ်ႉယဝ်ႉၼၼ်ႉ ပေႃးလိူၵ်ႈယဝ်ႉၶိုၼ်း Open သေ Save ပၼ်တႃႉ။
2)သင်ၶႂ်ႈမွတ်ႇပႅတ်ႈ Navber ၸိုင် Edit» Off» Save ဢမ်ႇၼၼ် မႄးလိူၵ်ႈသီမၼ်းသေ
3)သင်ၶႂ်ႈလၢႆႈၸိုဝ်ႈ လႄႈ ဢဝ် ၶႅပ်ႈႁၢင်ႈ လၢႆႈၼႃႈ Heander ၸိုင် ၵႂႃႇတီႈ Edit တီႈ Blog Title ၼၼ်ႉ လၢႆႈၸိုဝ်ႈလႆႈ၊ သင်ၶႂ်ႈသပ်းလႅင်းလွင်ႈတၢင်း Blog ၸိုင် တႅမ်ႈလိၵ်ႈသပ်းလႅင်းသႂ်ႇတီႈလွၵ်း Blog Description ၼၼ်ႉလႆႈ၊ သင်ၶႂ်ႈလၢႆႈသႂ်ႇၶႅပ်းႁၢင်ႈသမ်ႉ ၵႂႃႇတီႈ Image» Choose File သေ လိူၵ်ႈႁႃ ၶႅပ်းႁၢင်ႈ ပေႃးယဝ်ႉ Save ပၼ်တႃႉ။
4)Blog Posts တီႈ Main ၼၼ်ႉ ပဵၼ်တႃႇတၢင်ႇၶေႃႈမုလ်း လႄႈ သင်ၶႂ်ႈမႄးၸိုင် ၶဝ်ႈၵႂႃႇတီႈ Edit သေ မႄးပၼ်လႆႈ ပေႃးယဝ်ႉ Save ပၼ်တႃႉ (မၢႆတွင်း သင်ၸဝ်ႈၵဝ်ႇ ပႆႇလႆႈတၢင်ႇၶေႃႈမုလ်းသင် သေလွင်ႈတႄႉ ပႆႇပေႃးႁူႉၸႅင်ႈ)။
5)တီႈ About Me ၼၼ်ႉ ပဵၼ်ပိုၼ်းတူဝ် သင်ၶႂ်ႈမွတ်ႇၵေႃႈ ၶဝ်ႈၵႂႃႇတီႈ Edit သေ Remove ၊ သင်ၶႂ်ႈၶၢႆႉၵေႃႈ ဢဝ်မွၵ်ႉသ်သေ ၸၼ်ၶၢႆႉၵႂႃႇမႃးလႆႈ။
6)တီႈမီးဝႆႉ + Add a Gadget ၼၼ်ႉ ၸဝ်ႈၵဝ်ႇၶဝ်ႈၵႂႃႇလႆႈသေ လိူၵ်ႈႁႃလႆႈ လွင်ႈတၢင်း ဢၼ်ၸဝ်ႈၵဝ်ႇ ၶႂ်ႈသႂ်ႇ။ တူဝ်ယၢင်ႇ သင်ၶႂ်ႈလိူၵ်ႈဢဝ် Search Box ၸိုင် ၼဵၵ်းပၼ် [+] သေ Save ပၼ်တႃႉ။
7)လိူဝ်ၼၼ်ႉ သင်ၸဝ်ႈၵဝ်ႇၶႂ်ႈမႄးထႅမ် ၼႂ်းတွၼ်ႈ Layout ၼႆႉၸိူင်ႉႁိုဝ်ၵေႃႈ ၶဝ်ႈၵႂႃႇတီႈ + Add a Gadget သေ လိူၵ်ႈထႅမ်လႆႈ၊ သင်ၶႂ်ႈမွတ်ႇပႅတ်ႈ(ထွၼ်ဢွၵ်ႇ)သမ်ႉ ၶဝ်ႈတီႈ Edit သေ Remove ပၼ်၊ သင်ၶႂ်ႈလႅၵ်ႈလၢႆႈၶၢႆႉတီႈယူႇသမ်ႉ ဢဝ်မွၵ်ႉသ်(Mouse)သေ ၸၼ်ၶၢႆႉတႃႉ။
သင်မႄးႁၢင်ႈၶိူင်ႈပၼ် မူတ်းယဝ်ႉၵေႃႈ ၵႂႃႇတူၵ်းလူင်းတီႈ Save arrangement ဢၼ်မီးၸဵင်ႇၼိူဝ်ၽၢႆႇသၢႆႉ၊ ပေႃးၼၼ် ၼႃႈတႃႁၢင်ႈၾၢင် Blog ၸဝ်ႈၵဝ်ႇၼၼ်ႉ ႁၢင်ႈလီၶိုၼ်ႈမႃး မိူၼ်ၼင်ႇၸႂ်ႈၽွင်ႈယဝ်ႉ။
ၵူၺ်းဝႃႈ မႄးႁၢင်ႈၶိူင်ႈၵႃႈၼႆႉၵူၺ်းတႄႉ ပႆႇပဵင်းပေႃးၸႂ်လႆႈလေႃႇ၊ ၼင်ႇႁိဝ်တေႁၢင်ႈလီ လိူဝ်သေၼႆႉသမ်ႉ ဝၼ်းတေမႃး ၶႃႈႁဝ်းတေတႅမ်ႈၼႄ လၢႆးသၢင်ႈ Page Labels ၵိုၵ်းၸွမ်း လွၵ်းလၢႆးတၢင်ႇ ၶေႃႈမုလ်း လူင်းၼိူဝ် Blog Site ၵႂႃႇထႅင်ႈ လႄႈ ၶႅၼ်းတေႃႈဝႆႉၸႂ်ယိုၼ်းၸႂ်ယၢဝ်းသေ မုင်ႈမွင်းလူဢၢၼ်ႇ ပၼ်ႁႅင်းထႅင်ႈ သေၵမ်း။
မုင်ႈမွင်း လႄႈ ယုမ်ႇယမ်ဝႃႈ တေပဵၼ်လွင်ႈၵမ်ႉၸွႆႈ ပုၼ်ႈတႃႇ ဢူၺ်းၵေႃႉဢူၺ်းသႄႈ ၸိူဝ်းၶႂ်ႈသၢင်ႈ Blog လႄႈ မီး Site ႁၢင်ႈလီ ႁႂ်ႈပဵၼ်ၶွင်သုၼ်ႇတူဝ်ႁင်းၶေႃ ၼၼ်ႉယူႇ မိုတ်ႉၵိုဝ်းၸမ်ၸႂ်သေ ၸၢႆးတႆးမၢဝ်း။
https://saitaimao.blogspot.com/
Comment ပၼ်တၢင်းႁၼ်ထိုင်လႆႈ တီႈၼႂ်းလွၵ်းပဝ်ႇ တႂ်ႈၼႆႉလႆႈယူႇၶႃႈဢေႃႈ :)
No comments:
Post a Comment