ၶေႃႈမုလ်း ၵူႈလွင်ႈလွင်ႈ ဢၼ်ၸဝ်ႈၵဝ်ႇ တႅမ်ႈတၢင်ႇ တီႈၼိူဝ် Blog Site ၼၼ်ႉ ႁူႉၵႃႈ တေမီးလၢႆႁူဝ်ၶေႃႈ လၢႆလွင်ႈတၢင်းလႄႈ ၼင်ႇႁိုဝ်ပေႃးတေ ယႅၵ်ႈဢွၵ်ႇ ပဵၼ်ၶၵ်ႉပဵၼ်တွၼ်ႈသေ သွၵ်ႈႁႃ ၶဝ်ႈတူၺ်းလႆႈငၢႆႈငႅမ်ႈ ၸွမ်းလွင်ႈတၢင်းလႂ် လွင်ႈတၢင်းၼၼ်ႉ ၼၼ်ႈ ထုၵ်ႇလႆႈတင်ႈသႂ်ႇ Page Labels ၵမ်းၶေႃႈၶေႃႈ ယူႇယဝ်ႉ။
ဢွၼ်တၢင်းသုတ်းတႄႉ Sign In ၶဝ်ႈတီႈလိင်ႉၶ် https://www.blogger.com ၼႆယဝ်ႉ သိုပ်ႇၵႂႃႇတီႈ Account ၸဝ်ႈၵဝ်ႇသေ ၵႂႃႇတီႈ Posts သိုပ်ႇၵႂႃႇတီႈ Create New Post (ဢၼ်ပဵၼ်ႁၢင်ႈၵမ်ႁႅင်ႈ မီးၸဵင်ႇၼိူဝ်ၽၢႆႇၶႂႃ) တီႈ Post title ၼၼ်ႉ တႅမ်ႈသႂ်ႇ ႁူဝ်ၶေႃႈလိၵ်ႈ၊ တီႈလွၵ်းပဝ်ႇယႂ်ႇ ဢၼ်မီးတၢင်းတႂ်ႈ ႁူဝ်ၶေႃႈလိၵ်ႈ ၼၼ်ႉ တႅမ်ႈသႂ်ႇလွင်ႈတၢင်း တူၼ်ႈထႅဝ်လိၵ်ႈႁဝ်း၊ ပေႃးယဝ်ႉ တႃႇယႅၵ်ႈလွင်ႈတၢင်းၼၼ်ႉ ၵႂႃႇတီႈ Labels ဢၼ်မီးႁိမ်းၽၢႆႇသၢႆႉၼၼ်ႉသေ တႅမ်ႈၶေႃႈယႅၵ်ႈလွင်ႈတၢင်း သႂ်ႇတႃႉ။
တူဝ်ယၢင်ႇ- တီႈ Blog Site ၸၢႆးတႆးမၢဝ်းၼႆႉ တေမီးၶေႃႈယႅၵ်ႈလွင်ႈတၢင်းဝႆႉ 12-ၶေႃႈ Home, Shan State, Blogger, Computer Mobile, Periodical, Health, Cartoon, Poem, Gallery, Video, Song ၼင်ႇၼိူဝ်ၼႆႉ ယူယဝ်ႉ။
Page Labels တီႈဢၼ်ၸဝ်ႈၵဝ်ႇ ၶႂ်ႈသႂ်ႇၼၼ်ႉၵေႃႈ (လိၵ်ႈတႆးၵေႃႈလႆႈ/ ဢိင်းၵိတ်ႉၵေႃႈလႆႈ) ၵႂႃႇတႅမ်ႈသႂ်ႇတီႈ ၼႂ်းလွၵ်း Labels ဢၼ်မီးႁိမ်းၽၢႆႇသၢႆႉ ၼၼ်ႉသေ Done ပၼ်တႃႉ၊ ပေႃးၶႅမ်ႉလႅပ်ႈလီငၢမ်းယဝ်ႉ သိုပ်ႇ Publish ပၼ်ထႅင်ႈတႃႉ။
ပေႃးယဝ်ႉသိုပ်ႇ View Blog တူၺ်းၶိုၼ်ႈ ၼႃႈ Blog Site ႁဝ်း တီႈၽၢႆႇတႂ်ႈ ဢၼ်ႁဝ်းတၢင်ႇ ႁိမ်း Labels: ၼၼ်ႉတေလႆႈႁၼ် ၶေႃႈယႅၵ်ႈလွင်ႈတၢင်း (တူဝ်ယၢင်ႇ- Blogger) ပေႃးႁၼ်ယဝ်ႉ သိုပ်ႇၼဵၵ်းပၼ် တီႈၸိုဝ်ႈၼၼ်ႉသေ တၢင်းၼိူဝ် Search Browser ႁဝ်းၼၼ်ႉ တေလႆႈႁၼ် ၸိုဝ်ႈ URL ႁဝ်းလႄႈ/search/label/? (တူဝ်ယၢင်ႇ- https://saitaimao.blogspot.com/search/label/Blogger) ဢွၵ်ႇမႃးယူႇယဝ်ႉ။
မၢႆတွင်း- တွၼ်ႈၽၢႆႇၼိူဝ် ၸိူဝ်းသပ်းလႅင်းလၢတ်ႈမႃးၼႆႉ တိုၵ်ႉပဵၼ်လၢႆးတၢင်ႇၶေႃႈမုလ်း သွၵ်ႈႁႃ Label ပိူဝ်ႈတႃႇတင်ႈသႂ်ႇ Page Labels ၵူၺ်း။
မၢႆတွင်း- တွၼ်ႈၽၢႆႇၼိူဝ် ၸိူဝ်းသပ်းလႅင်းလၢတ်ႈမႃးၼႆႉ တိုၵ်ႉပဵၼ်လၢႆးတၢင်ႇၶေႃႈမုလ်း သွၵ်ႈႁႃ Label ပိူဝ်ႈတႃႇတင်ႈသႂ်ႇ Page Labels ၵူၺ်း။
ၵမ်းၼႆႉ တႃႇတင်ႈ Page Labels ၼၼ်ႉ တေလႆႈသိုပ်ႇၵႂႃႇတီႈ Layout ပေႃးၶဝ်ႈၵႂႃႇယဝ်ႉ ၶိုၼ်းသွၵ်ႈႁႃၸိုဝ်ႈ Cross-Column ၶိုၼ်းၶဝ်ႈတီႈ + Add a Gadget သိုပ်ႇလိူၵ်ႈတီႈ Pages သေၶဝ်ႈၼဵၵ်းတီႈ + Add External Link ထႅင်ႈတီႈ Page Title ၼၼ်ႉ တႅမ်ႈသႂ်ႇၸိုဝ်ႈ ၶေႃႈယႅၵ်ႈလွင်ႈတၢင်း ဢၼ်ၶႂ်ႈသႂ်ႇ (တူဝ်ယၢင်ႇ- Blogger ဢမ်ႇၼၼ် လိၵ်ႈတႆးၵေႃႈလႆႈ)၊ တီႈ Web Address (URL) ၼၼ်ႉ ၶိုၼ်းၵႂႃႇ Copy ၸိုဝ်ႈ URL ႁဝ်း ဢၼ်မီးၼႂ်းလွၵ်း Search Browser မိူဝ်ႈၵႆႈၼၼ်ႉမႃးသႂ်ႇ (တူဝ်ယၢင်ႇ- https://saitaimao.blogspot.com/search/label/Blogger) သေ Save Link ပၼ်တႃႉ။
သိုပ်ႇႁဵတ်းၼၼ်ၵႂႃႇ တေႃႇၶေႃႈယႅၵ်ႈလွင်ႈတၢင်း ဢၼ်ၸဝ်ႈၵဝ်ႇၶႂ်ႈသႂ်ႇပေႃးမူတ်း၊ ပေႃးယဝ်ႉမူတ်းၵေႃႈ ၶိုၼ်းၼဵၵ်းပၼ် Save ႁၢင်ႈသီမၢၵ်ႇၸွၵ်း တၢင်းတႂ်ႈၼၼ်ႉၶႃႈတႃႉ။
ဢၼ်လူဝ်ႇလႆႈတွင်းတႄႉ မိူဝ်ႈႁဝ်းယႅၵ်ႈ Page Label ၼိုင်ႈၶေႃႈၼၼ်ႉ ၸိုဝ်ႈတီႈ Page Title လႄႈ တင်းၸိုဝ်ႈၽၢႆႇလင် Web Address (URL) ၼၼ်ႉ လွင်ႈတၢင်းမၼ်း လူဝ်ႇလႆႈမိူၼ်ၵၼ်၊ (တူဝ်ယၢင်ႇ- တီႈ Page Title ႁဝ်းသႂ်ႇဝႆႉဝႃႈ ၸိုဝ်ႈဢင်းၵိတ်ႉ Computer (ဢမ်ႇၼၼ်) ၸိုဝ်ႈတႆး ၶွမ်ႇပိဝ်ႇတိူဝ်ႇ ၼႆလႄႈ တီႈၸိုဝ်ႈတၢင်းလင် Web Address (URL) ၼၼ်ႉၵေႃႈ တေလႆႈသႂ်ႇပၼ် https://saitaimao.blogspot.com/search/label/Computer ၼႆယဝ်ႉ။
တီႈတွင်း ဢၼ်ပွင်ႇၸႂ်ငၢႆႈသုတ်းတႄႉ တီႈ Page Title ႁဝ်းသႂ်ႇၸိုဝ်ႈသင်ၵေႃႈ တီႈၽၢႆႇလင် http://----/Search/label/ ? ၼၼ်ႉၵေႃႈ တေလႆႈမႄးလႅၵ်ႈလၢႆႈသႂ်ႇၸွမ်း ၸိုဝ်ႈၼၼ်ႉ ယူႇယဝ်ႉ။
မၢႆတွင်း- လၢႆးတၢင်ႇၶေႃႈမုလ်း တီႈ Post ၼၼ်ႉ လႆႈပၢၵ်ႈလွင်ႈၼႄတၢင်းပၼ်ဝႆႉ ႁႂ်ႈပဵၼ်တႃႇ သွၵ်ႈႁႃႁၼ်လႆႈလိင်ႉၶ် URL ပိူဝ်ႈၸၢင်ႈတင်ႈ ၶေႃႈယႅၵ်ႈလွင်ႈတၢင်း Page Labels လႆႈ ၵႃႈၼၼ်ႉၵူၺ်း လႄႈ လၢႆးတၢင်ႇမၼ်းတႄႉ တိုၵ်ႉၵိုတ်းမီးထႅင်ႈတင်းၼမ်ယူႇ။
မုင်ႈမွင်း လႄႈ ယုမ်ႇယမ်ဝႃႈ တေပဵၼ်လွင်ႈၵမ်ႉၸွႆႈ ပုၼ်ႈတႃႇ ဢူၺ်းၵေႃႉဢူၺ်းသႄႈ ၸိူဝ်းၶႂ်ႈသၢင်ႈ Blog လႄႈ မီး Site ႁၢင်ႈလီ ႁႂ်ႈပဵၼ်ၶွင်သုၼ်ႇတူဝ်ႁင်းၶေႃ ၼၼ်ႉယူႇ မိုတ်ႉၵိုဝ်းၸမ်ၸႂ်သေ ၸၢႆးတႆးမၢဝ်း။
https://saitaimao.blogspot.com/
Comment ပၼ်တၢင်းႁၼ်ထိုင်လႆႈ တီႈၼႂ်းလွၵ်းပဝ်ႇ တႂ်ႈၼႆႉလႆႈယူႇၶႃႈဢေႃႈ :)
No comments:
Post a Comment