လၢႆးလၢင်ႉၶိူင်ႈၶွမ်း ႁႂ်ႈမူတ်းသႂ် လႄႈ ဝႆးၶိုၼ်ႈ 4-လၢႆး

2016 Sep 10 : တႅမ်ႈ- ၸၢႆးတႆးမၢဝ်း
သင်ၸဝ်ႈၵဝ်ႇ ၸႂ်ႉတိုဝ်းၶွမ်ႇပိဝ်ႇတိူဝ်ႇ (ၶွမ်း) Computer ႁဵတ်းၵၢၼ်လၢႆၸိူဝ်ႉလၢႆလွင်ႈ ဝၼ်းလိူၼ်ပီႊ ၶၢဝ်းယၢဝ်းႁိုင်ၼၢၼ်းမႃးၸိုင် ၸဝ်ႈၵဝ်ႇတေလႆႈထူပ်းပၼ်ႁႃ ၶွမ်းထိူင်းထိုဝ်ႉ ၵမ်းၵမ်းၶွင်ႈၶမ် ၸႂ်ႉၵၢၼ်ဢမ်ႇမိူၼ်ၸႂ် ယူႇဢမ်ႇႁၢင်ႉၵၼ်ၵူႈၵေႃႉလႄႈ ၸင်ႇလႆႈႁႃလွၵ်းလၢႆး မႄးၽဵဝ်ႈပတ်း လၢင်ႉပႅတ်ႈႁႂ်ႈမူတ်းသႂ်ယဝ်ႉ ဝႆးၶိုၼ်ႈမိူၼ်ၸႂ် လၢႆးငၢႆႈ 4-လၢႆး ၼင်ႇတႂ်ႈၼႆႉသေ မႃးၾၢၵ်ႇယူႇယဝ်ႉ။

ဢွၼ်တၢင်းသုတ်း ၼဵၵ်းတုမ်ႇ Windows + R ႁူမ်ႈႁူမ်ႈၵၼ် တေႁၼ်ဢွၵ်ႇမႃး ပိူင်ၾၢင် ဢၼ်မီးႁူဝ်ၶေႃႈတႅမ်ႈဝႆႉဝႃႈ Run ပေႃးဢွၵ်ႇမႃးယဝ်ႉ တီႈမီးလွၵ်းပဝ်ႇဝႃႈ Open: ၼႆၼၼ်ႉ ၸဝ်ႈၵဝ်ႇတေလႆႈတႅမ်ႈ တူဝ်လိၵ်ႈဢင်းၵိတ်ႉသႂ်ႇဝႃႈ-

01. Recent ပေႃးယဝ်ႉ OK တေဢွၵ်ႇမႃး ၾူဝ်ႇတႃႇၾၢႆႇ (Folder File) ဢၼ်ၼိုင်ႈ ဢၼ်ၸဝ်ႈၵဝ်ႇ လႆႈၸႂ်ႉၵၢၼ်ၵူႈလွင်ႈလွင်ႈသေ ၵိုတ်းမီးဝႆႉမႃး ပီႊယၢဝ်းၶၢဝ်းႁိုင်၊ ပေႃးႁၼ်ယဝ်ႉ ၶိုၼ်းၼဵၵ်းတုမ်ႇ Ctrl + A ႁူမ်ႈႁူမ်ႈၵၼ်၊ ၶိုၼ်းၼဵၵ်းတုမ်ႇ Shift + Delete ႁူမ်ႈႁူမ်ႈၵၼ်ထႅင်ႈ ၵမ်းၼိုင်ႈၶႃႈတႃႉ။ 

ပေႃးသိုပ်ႇႁဵၼ်းၼၼ် ၼဵၵ်း Windows + R ၵႂႃႇတေႃႇပေႃးႁွတ်ႈ 4-ၵမ်းသေ တဵမ်ႈသႂ်ႇလိၵ်ႈဢင်းၵိတ်ႉ ၼင်ႇတႂ်ႈၼႆႉ ၼိုင်ႈပွၵ်ႈၼိုင်ႈလၢႆး ၶႃႈတႃႉ။

02. Temp ပေႃးယဝ်ႉ OK ပေႃးယဝ်ႉ Ctrl + A  ပေႃးယဝ်ႉ Shift + Delete ပေႃးယဝ်ႉ Enter

03. Prefetch ပေႃးယဝ်ႉ OK ပေႃးယဝ်ႉ Continue ပေႃးယဝ်ႉ Shift + Delete ပေႃးယဝ်ႉ Enter

04. %temp% ပေႃးယဝ်ႉ OK ပေႃးယဝ်ႉ Shift + Delete ပေႃးယဝ်ႉ Enter

မၢႆတွင်း သင်ဢွၵ်ႇမႃးဝႃႈ File in use ၼႆၸိုင် မၼ်းမွၵ်ႇဝႃႈ ႁဝ်းတိုၵ်ႉၸႂ်ႉၾၢႆႇ (File) မၼ်းဝႆႉယူႇလႄႈ တေဢမ်ႇၽႅတ်ႈပႅတ်ႈလႆႈ၊ ပေႃးပဵၼ်ၼၼ်ၸိုင် ဢဝ်မွၵ်ႉသ်(Mouse) ႁဝ်း ၶလိၵ်ႉပၼ် ၼႂ်းလွၵ်းသီႇၸဵင်ႇ ႁႂ်ႈပဵၼ်မၢႆထုၵ်ႇ ဢွၼ်တၢင်းသေ သိုပ်ႇၼဵၵ်းပၼ် Skip ၼၼ်ႉၶႃႈတႃႉ။

ပေႃးႁဵတ်းပၼ် လၢႆးလၢင်ႉၶိူင်ႈၶွမ်း 4-လၢႆးၼႆႉ ၼိုင်ႈဝူင်ႈလႂ်ၼိုင်ႈပွၵ်ႈ (တႃႇၽူႈၸႂ်ႉၵၢၼ်ၼမ်) ဢမ်ႇၼၼ် ၼိုင်ႈလိူၼ်လႂ်ၼိုင်ႈပွၵ်ႈ (တႃႇၽူႈဢမ်ႇပေႃးၸႂ်ႉၵၢၼ်ၼမ်) ၸိုင် ၶွမ်းၸဝ်ႈၵဝ်ႇတၵ်းလႅတ်းဝႆးမႃး ၼင်ႇၸႂ် ၵမ်းသိုဝ်ႈယူႇၶႃႈယဝ်ႉ။