ပပ်ႉႁၢင်ႈၸိူင်း “တၢင်းႁၵ်ႉမွၵ်ႇသၢမ်လူင်ႇ” ဢၼ် “ႁိူင်း”(ၼမ်ႉၶမ်းၽွင်) ၸၼ်ဝႆႉ ဢွၵ်ႇယဝ်ႉ

ၶၢဝ်ႇငၢဝ်းလီ တႃႇပီႈၼွင်ႉတႆး တင်းသဵင်ႈ ဢၼ်လႆႈမုင်ႈမွင်းလူဢၢၼ်ႇယဵမ်ႈတူၺ်းမႃး ၶၢဝ်းတၢင်းႁိုင်ၼၢၼ်းၼၼ်ႉ ယၢမ်းလဵဝ် သိုဝ်ႉလူဢၢၼ်ႇၸိမ်းတူၺ်း လႆႈယဝ်ႉၶႃႈ။

ပပ်ႉႁၢင်ႈၸိူင်း “တၢင်းႁၵ်ႉမွၵ်ႇသၢမ်လူင်ႇ” ဢၼ် “ႁိူင်း”(ၼမ်ႉၶမ်းၽွင်) လႆႈၸႂ်ႉၶၢဝ်းယၢမ်းဝူၼ်ႉႁိုင်ၼၢၼ်းသေ ၸၼ်ဝႆႉၼၼ်ႉ ယၢမ်းလဵဝ် ယူႇတီႈ “ၸုမ်းပိုၼ်လိၵ်ႈလၢႆး” လႆႈဢဝ်ပုၼ်ႈၽွၼ်း ဢိတ်ႇဢွၵ်ႇပဵၼ်ပပ်ႉ ပွၵ်ႈၵမ်းၼိုင်ႈ မႃးၾၢၵ်ႇတွၼ်ႈထိုင် ႁႂ်ႈပေႃႈမႄႈပီႈၼွင်ႉၵူၼ်းမိူင်းတႆး တီႈၸမ်ၵႆ တင်းသဵင်ႈ လႆႈလူႇဢၢၼ်ႇၸိမ်းတူၺ်း ယူႇယဝ်ႉၶႃႈ။

သင်ပီႈၼွင်ႉႁဝ်းၶဝ် ၶႂ်ႈပၼ်ႁႅင်း သိုဝ်ႉလူဢၢၼ်ႇၸိမ်းတူၺ်း ပပ်ႉၸိူင်းႁၢင်ႈ “ႁိူင်း”(ၼမ်ႉၶမ်းၽွင်) ဢၼ်မီးလွၼ်ႉၵႅၼ် လူႇဢၢၼ်ႇယဝ်ႉ ၸူမ်းယုမ်ႉ မီးပႃးၼမ်ႉတႃယိုင်ႈ ၼႆၸိုင် ၵပ်းသိုပ်ႇသင်ႇသိုဝ်ႉလႆႈတီႈ ၸၢႆးဢွၼ်ပိုၼ်းတႆး (မၢႆၾူၼ်း - 09251005456, 09970744840) ဢမ်ႇၼၼ် ၵႂႃႇႁႃသိုဝ်ႉလႆႈတီႈ လၢၼ်ႉၶၢႆပပ်ႉလိၵ်ႈတႆး ၸိူဝ်းၼႆႉလႆႈယူႇၶႃႈ။

ပပ်ႉႁၢင်ႈၸိူင်း “တၢင်းႁၵ်ႉမွၵ်ႇသၢမ်လူင်ႇ” ၼႆႉ ဢိတ်ႇဢွၵ်ႇ/ဝၢင်းၶၢႆ ၼႂ်းပီႊ-2018 လိူၼ်-December ယိူင်းဢၢၼ်း ႁႂ်ႈပဵၼ်တီႈမၢႆတွင်းပႃး ၼႂ်းဝၼ်းပီႊမႂ်ႇတႆး  2113-ၼီႈ ၵေႃႈဝႃႈသေ ႁႂ်ႈပဵၼ်ပႃး ၵၢၼ်ႁၵ်ႉသႃသိမ်းပႅင်း လိၵ်ႈလၢႆးပၢႆပေႇတႆး လႄႈ ၶႂ်ႈႁႂ်ႈတူင်ႇဝူင်းၽၢႆႇၵူၼ်းၼုမ်ႇ မႄးထွႆလင်လူဢၢၼ်ႇၶိုၼ်း ပပ်ႉလိၵ်ႈတႆးႁဝ်း ၼႆၵေႃႈဝႃႈ ၼႆၶႃႈ။

👉ၵႃႈၶၼ်- 1-ပပ်ႉ/2000-ပျႃး

ၸၢႆးတႆးမၢဝ်း